منوعات

سامسونج تستخدم صورة من نظام iOS لإعلان تجاري لها

لاحظنا في أكثر من مناسبة أن شركة سامسونج تقوم بكل ما يخطر ببال مسئوليها تقليدا لكل ما تقوم به شركة “أبل”، ولكن هذه المرة يبدو الأمر جذابا أكثر من المعتاد.

الصورة التي تظهر استخدام سامسونج لنظام ابل بالاعلان
الصورة التي تظهر استخدام سامسونج لنظام ابل بالاعلان

فبعد أن اقتبست إيقونات عديدة من متجر التطبيقات التابع لأبل في إعلانات تجارية للشركة، تستخدم سامسونج الآن صورة من تطبيق خرائط iOS في احد إعلاناتها التجارية.

ورغم أن من عثر على هذه الصورة ليس من شركة “ابل” وإنما متصفح عادي، قام بنشرها في العديد من المدونات، مما اضطر شركة سامسونج إلى إزالتها على الفور من موقعها حيث كانت منشورة للإعلان التجاري كما هي ظاهرة هنا.

وهكذا أصبحنا شاهدين على ناحية جديدة تحولت إلى محور اقتباسات من جانب سامسونج، التي تحاول هذه الأيام خوض معركة قضائية ضد “أبل” سعيا منها لحظر بيع الايفون 4 أس الجديد في مختلف الدول، ومنها كوريا الجنوبية، مسقط رأس سامسونج.

هل تريد المزيد من التطبيقات والأخبار ؟

إنضموا لصفحة أخبار التطبيقات في الفيسبوك لتحصلوا على أفضل التطبيقات المجانية لوقت محدود والمزيد ..

إنضموا لصفحة أخبار التطبيقات في تويتر لتحصلوا على أفضل التطبيقات المجانية لوقت محدود والمزيد ..

الوسوم

مقالات ذات صلة

‫257 تعليقات

  1. خلاصة الكلام اني اشتهيت سنكرس
    وبالنسبة لواحد يقول ساسونق اطلق بشاشة وبطارية انا اسف عمي سامسونق افضل شي عندها في جلكسي للخطوة زيييين وقسم انه ابداع الا وهو الشاشة والباقي الله بالخير
    مع الص الشكر …..

  2. اعوذ بـ لله من الحسد
    ياخي يقلدون ولا بعد ياليتهم يقلدون زين
    تقليد بصراااااحة ام الغبااااااااء

  3. ماله داعي ياشركه سامسونج
    تخلين الناس تتشمت فيك
    خليك من شركه ابل اصرفلك
    وتجهي لاي شركه ثانيه احسن من المصخره

  4. والله انتو مدري ليه شابين على سامسونج الا سامسونج افضل من ابل بمليون مره مسوين لي فيها متعصبين على نظام فاشل مثل ابل ما توصل مواصيل سامسونج

  5. ياطيبين سامسونج صلحت الاجهزه وقلدت بس باسعار مناسبه يعني الي مو قادر يشتري ايفون يشتري سامسونج بسعر انسب وانا اعتقد ان المحاكم الي بين ابل وسامسونج كلها اشاعات من شان يشوفو الفرق بين الاجهزه وانها تنفع ولا لا فا ما بين المستخدمين سامسونج استفادات وكل الناس تدور رزقها يعني سامسونج صحيح انها قلدت لاكن بنفس الوقت ابدعت في اختراعاتها فهي مو قصدها تعاند ابل فقد هي تظهر ما عندها

  6. ان دل هذا دل على الفشل الزايد لسمسونج لانه الواحد ما يقلد الا الافضل مهما تقلد سمسونج تظل سمسونج وابل هيا ابل ………. 

  7. ولا تسوو انه ابل مافي زيها
    انا جربت الجالكسي
    والله انه احسن من الايفون بمليون مررره

  8. اصلا الخرايط اللي في ابل من قوقل
    وقوقل داخله شراكه مع السامسونج
    يعني اش تتوقعو من سامسونج

  9. لووووووووول مااشتهيت غير السنكررررررس يم يم اما الموضوع ولا فكرت في بس بصررررراحه سامسونج نغلبت على ابل من ناحيه مداخل اليو اس بي واهم واحلي ميزه اللي تفتقرها ابل الفلاااااااش ابل ابل نبغا ميزززززه الفلاشش بليزززز

  10. جهاز سامسونج اس٢ افضل من ابل بمراحل لذلك رفعت ابل دعوى قضائيه لمنعه اللي ماجرب سامسونج اس٢ رجاء لايتكلم

  11. صراحة كلام كثييير وعلى الفاضي
    ياخي خلاص ايش حارق دمكم للدرجة دي!!
    انا من مستخدمي آبل .. لكن الحق يقول ان منتجات سامسونج منافسة بقوة وجبارة!!
    وانا متأكد ان أي واحد يقول اتحدى يوصلوا الايبود وانهم فاشلين ومقلدين انو يكون جرّب الجالكسي اس ٢ في يوم من الايام..

    يعني خلاص ياخي سيب الحقد والعصبية الي مالها داعي ابد
    اشتريت سامسونج الف مبروك.. اشتريت آبل ألف مبروك.. وانتهينا!

  12. النظام الجديد ios5 مقلدين فيه ابل حركات وايد من نظام اندرويد
    مثل نظام الاشعارات والهوت سبوت

  13. الله يجعلكم للفاطوس يا سامسونج و ربي انه ما عندكم افكار ههه مساكين كل شي يقلدون ابل بس عاد تراكم مصختوها لا تزيدون والله انها قلت ادب هذي اخرتها صراحه ما توقعت سامسونج كيذا و ازيد من الشعر بيت ان اناس ماغير يمدحون سامسونج يقولون ازين ههه هذي اخرتها يعني وين معه سامسونج ازين من ابل و بعدين ان ابل عندهم افكار اما انتم يا سامسونج ما فيه اي افكار بس التقليد

  14. السلام عليكم يا اخوتي الاحباء ولاؤنا يجب ان يكون لله و رسوله و المؤمنين وليس لهذه الشركات العالمية التي تساهم بطريقة او باخرى بمحاربة المسلمين اليست اموال الضرائب التي تدفعها هذه الشركات و غيرها مكنت القوات الاميريكية من محاربة المسلمين في العراق و غيرها كما ان قسم كبير يعطى لليهود لقتل اخوتنا في فلسطين

  15. لولااختلاف الاذواق لبارت السلع في الاسواق وتقليد الزين مفيد لاصحاب الدخل المحدود $$

  16. بصراحة انا استخدم ايفون ٤ والايباد ٢ ومرتاح والحمد لله
    لكن شهادة حق جلاكسي ٢ افضل بكثير من الايفون ٤ من نواحي كثيرة

    لا يهمني الشكل على حساب المضمون فلايهمني من قلد من

    هذا مقطع فديو للمستخفين بما عملت سامسونج ومقارنته مع الايفون

    http://www.youtube.com/watch?v=elKxgsrJFhw&sns=em

  17. ازعجتونا ابل وابل ترا كله احتكار وبرامج بفلوس ولازم جلبريك هذاهم وقفوا الجليبريك رح اشتر برامج انت وياه حنا تعودنا على الايفون ونقول الايفون افضل لكن للحق الجلكسي تفوق عليه بسرعة النت وتصفح مواقع الفلاش اتحدا اي جامعي هنا ينكر الشي هذا لانهم يعانون الشي الكميره افضل بمراحل الالون بلجهاز افضل بلجلاكسي البطاريه افضل وتدوم اكثر اتحدا احد من مستخدمين الايفون يمدح البطرايه بلحقيقه سامسونج شركة مبدعه بمعنى الكلمه اذا في احد يقول الايفون افضل اتحد حتى الوزن اخف سمك الجوال افضل السعر افضل يا عالم وين عقولكم ما تشوفون ايهم افضل لا تقهرون ام مذهبي الامركان يضحكون عليكم ما في شي جديد بفور اس

  18. حلو لمن يكون هناك تنافس حتى يتطور المنتج..
    بس نبيهم شوي يتاخرون في تنزيل جوالات جديده مره ماتهنينا ب4إلا ومنزلين 4s 
    وبعدين برنامج الأوامر الصوتيه (سيري )مو ابل اول من اخترعها اللي سمعته انه في شركه غيرها مخترعته يعني ماجابت ابل شي جديد 

  19. بصراحة دورت في الصورة ولا شفت iOS
    من وضع الساعه وأيقونة البطاريه واضح انه برنامج اندرويد
    ياناس افيقو

  20. يالربع ليه التعصب انا معي ايفون ٤ بس نصحت كل من اعرفه بالجالكسي خصوصا s2 يكفي ان كل برامجه مجانيه !!!!!! حتى الجلبريك اتوقع افتوا انه سرقه يعني مايجوز نحمل منه..

  21. انا مدري وش سالفه. اخبار التطبيقات معي هاليومين ترسل مرتين لي في اليوم ونفس الموضوع

  22. ههههههههه قاط وجهه في كل حته هالسنيكرز ..
    عموما يبقا ابل ماك في الصدارة بين اجهزة الجوال مهما حاولت سامسونج تقلده ..
    ايش جااب لجااب .. انا اقول هالكلام من تجربة للجهازين ..
    ابل ستبقين الافضل ..
    شكراا اخبار التطبيقات ..

  23. والله سامسونج شركه كبيره ومعروفه ويمكن يكون الموضوع مفبرك ويبون يشوهون سمعة سامسونج رغم ان تلفوني ايفون فور لكن من خلال الناس والربع عندهم سامسونج وفي منهم استعمل الايفون يقولون ان السامسونج تطور وافضل من الايفون ، لكن بالأخير هالامور من صالحنا يصير تنافس بين الشركتين وتقل الأسعار في المستقبل رغم ان سعر السامسونج اقل بكثير لكن الناس اغلبهم مصرين ان الايفون هو الافضل ، لكن ننتظر ونشوف مع الايام وين راح توصل شركة ابل وسامسونج

  24. اصبرو علي افون ٥ اتوقع شاشه اكبر و 3D وكمره ١٢ مقابكسل معا فلاش ليلي و معالج اسرع وبطاريه اقوى و وخدمه سري بالعربي……

  25. انا عندي جالاكسي تاب هديه،

    الجهاز للامانه غبي لابعد الحدود و تحسه مايفهم انت شنو تبي عكس منتجات ابل

    هذا غير نظام التصفح حقه و البطاريه تفضى بسرعه و الله يومين بس اخليه على جنب بدون مااستخدمه ابدا يطفي

    انا مااسمي نظام شاشتهم نظام لمس، نظام رفس

    الشي الحلو فيه كل شي مجاني و خصوصا الاغاني
    و بعيدا على تقنيه الهواتف، تلفزيونات سامسونق الال سي دي ممتاززه جدا و هي الافض

  26. انا اقول ان الاعلان مفبركة من معجبين ابل بس للمحاولة للسقوط سامسونج
    والي يقول قلودي او يا شين تقليد
    تره اول جوال يطلع بشاشة ملونة هي نوكيا يعني ابل قلودي صح !
    واجل ليش ابل قامت ودفعت قبل يمكن شهرين او اكثر للنوكيا دون معرفة وش القصة
    طيب لو جاء ابل وطلعت ايفون ٥جي وصار يدعم الجيل الرابع
    في وقته نقول قلودي لان سامسونج إس ٢ داعمته قبلها !
    تره الأشياء الي تقولون مقتبسه غير صحيحه كليا
    وبعد ليش ما علقتوا يوم طلعت ابل للمحكمة ومعهم صور مفبركة للجوال سامسونج إس ٢ وجلاكسي تاب ١٠
    ومع ذلك دافعتوا عن ابل وقلتوا مستحيل ابل تسوي زي كيذا

    1. كلام سليم TK

      الى الان ابل لم تستطع بكل قوتها ومحاميها اثبات تقليد واحد ضد سامسونق
      وربعنا مصرين على هالكلام
      صحيح ان الايفون كان ثوره في عالم الهواتف النقاله

  27. اقول كلو في الغفير اهم شي نستفيد وترخص الأسعار
    مع العلم أنا من عشاق ومستخدمي شركه ابل
    بس بصراحه ( ابل ) مالها مثيل الا الان

  28. ياشباب قولوا لي من اللي اخترع حاجه اسمها لمس الشاشه غير ابل وباقي الشركات قامت قلدت منو الاساس ؟؟؟

    1. الاخ ابو ملك
      معليش ياليت تصحح معلوماتك
      شاشة اللمس موجوده قبل الايفون بعشر سنين
      ورح اسأل عن imate

  29. تعليق بسيط للمخدوعين…
    4s مايشتغل إلا على شبكة 3g يعني كل واحد يحاول يشوف له واسطة يركبون له برج عند بيتهم ياحلوين ثانياً من هذا التعليق أقصد إنة باي باي بطارية برضة تقدر تكلم شركة الكهربه تمد لك سلك في كل شارع تشحن هههههه
    حرام عليكم التقنية للجميع و لو سرقوا.. من كيسك إنت و ياه شي إنت إلي راح تستفيد يا ذكي ..

  30. الي يقولون شركه سامسنج شركه غسلات طيب جهازك الشاشه الي فيه من وين وبعدين سامسنج + قوقل
    قريب راح تسيطر علا السوق ماشفتو الجهاز الجديد من
    سامسنج و قوقل جهاز فعلا رائع
    ياليت قبل تحكمون ع اجهزه سامسنج تجربوها

  31. دائماً أقول :
    الأول للمبتدي ولو أحسن المقتدي

    ( وخلوكم في غسالاتكم أصرف لكم ) ( هههههههههه )

  32. ليش مقهورين
    هذي اللي يسموها نكشه مخ
    وانا راح احول من ابل العقيمه لسامسونج
    كفايه انها تحترم المستخدم
    ابل الخ…………ا

  33. اغبيا سامسو نج تقليد ما شفته فل عالم مره بس قهرانين سا مسونج ولله. ً(اغبيا)هههههــــُ

  34. اولا :: الاعلان مفبرك ١٠٠٪
    ثانيا :: يأخذ معرف ابل مالها خمسه سنين ووصلت لمستوى لدرجه أنوا الشركات القديمه ماقدرت تجيبهم الا بعد الايفون ٤ وكمان جوال واحد بس جالكسي اس ٢

    والحين ايفون

  35. ان من اهم اسباب نجاح نظام الايفون انه بعيد جدا عن الافكار المقلدة

    وانه يعطي الكثير من الابتكارات في عالم الهواتف الذكية

    وما يجعل الهواتف الاخرى تقلد هذا النظام هو سبب واحد وكلي تحدً له وهو عجزهم عن تكوين افكار جديدة تحطم الافكار الموجودة بالايفون نفسة

    لهذا يلجؤن الى التقليد

    شكرا لكم
    بن هتان

  36. بصراحه انا جربت النظامين وحتى لو كان احد النظامين سبق الاخر .. المهم كيفيه الميزه وسهولتها بالنسبة لي معجب بالنظامين ولكن ابل كانت اكثر وضوحا واستغلالا للمميزات سواءا كانت مقلده على حد قول الاعضااء ام كانت مبتكره .. ارى ان ابل ابدعت في توصيل الميزه للمستخدم بشكل ذكي .. والدليل اغلب مستخدمي الاندرويد او السامسونج لايعلمون بمميزات اجهزتهم لصعوبة التعامل معها من عامة الاشخاص … والنهايه انا عاجبني السنيكرس

  37. أخي مشعل الرشيدي قلت كلام جميل جداً وهو يجب شركة سامسونج ان تكسب ثقة المستهلك الكوري قبل النظر الى باقين المستهلكين بالعالم ..
    بخصوص بعض ردود الاخوان في سعر الايفون انه غالي اخي بس في الوطن العربي فقط، وثاني نقطه عن سعر الجالكسي انه سعر ليس غالي هذا دليل على قلت مستخدمينه ، بنسبه للتقليد فهذا دليل على عدم التفكير والابداع منهم ، وشركة ابل كسبة ثقت مستخدمينها
    شكراً يا ابل ولان ولان اغير عن شركة ابل

  38. لا اله الا الله محمد رسول الله
    سبحان الله وبحمده
    سبحان الله العظيم
    الحمد لله
    الله اكبر
    لا اله الا الله
    استغفر الله
    استغفر الله واتوب اليه
    لا حول ولا قوه الا بالله العلي العظيم
    لا اله الا الله وحده لا شريك له له الملك وله الحمد وهو على كل شئ قدير

    1. ماختلفنا سامسونج شركه قديمه وقووويه بس شمعنى ابل تطلع اشياء جميله وتقوم سامسونج تقلدها ابل تعبت فيهمم والمفروض سامسونج ماتقلد صراحه زودتها شركه عريقه ع عيني وراسي بس تضل ابل احلى شركه واجهزتها احلى من سامسونج واللي مو عاجبه يتكلم اشووف

  39. جلكسي = ايفون
    جلكسي تاب = ايباد
    الشاحن = شاحن ايفون
    و المزيد من الكوبي

    بس يا ليت تجيبو الاعلان كامل

    يعطيكم العافيه

  40. والله ماطقيت لهم خبر مع ان معي اي فون وايباد لكن الي بيقنع مزاجي الصعب بروح له . تشاااااااوووو

  41. السسسسلام عليكم
    إخواني لازم نعترف بالصراحة
    أنا استخدمت ايفون 3G و 3GS و 4
    وانا ألاحظ ان شركة ابل و سامسونق كلهم يقلدون بعض ..

    يعني ان كل الشركتين يا خذون ميزان بعض
    مثلاً سامسونق شكل شاحنها مثل الايفون
    وابل أخذت السيري

    وهذا شي واضح ١٠٠٪

    مؤ مشكلة انها يا خذون ميزات م̷ـــِْט بعض

    لكن نبي شركة تطلع جهاز قوي و يحطم سوق جميع الجوالات

    لو تجي شركة ابل او سامسونق وتصنع جوال جديد و تحط فيه برنامج محادثه مثل البلاك بيري او افضل م̷ـــِْט البلاك بيري
    والله ان يحطم سوق جميع الجوالات …

    و نحن فُِْـَُّـَُّيٌِے انتظار الجوالات القادمه ..!!!

  42. هع وقسسسسم السامسونج احسن من ابل من نواحي وكمان ابل نفس الشئ بس كل واحد متميز بنظامه وطريقته وسامسونج شركه رائعه على الرغم اني املك جهاز من ابل

  43. الي معجبني حقيقة في جالكسي هو وجود منافذ الذواكر الخارجية وغيره ما اعتقد راح يزيد عن ابل في شي
    ولكم تحياتي

  44. خلينا نكون صريحيين انا اكره امريكا ونصارى بشكل عام بس سامسونج وجهازها من جد عاجبني خفيف رشيق قوي سريع ومهضوم قلدة اقتبصة سرقة حلا ل على الشاطر

  45. يابابا يا اخبار التطبيقات خليكم على اخبار التطبيقات ابرك لكم دحين برنامج الخرائط حق مين ابل ماسوته ياحبيبي حق google يعني ابل مالها شيء ثاني شيء لو انت حق ابل صح طالع في الركن فوق وانت تعرف اذا كان الجوال حق ابل ولا حق سامسونج ولا تصدق كل ماينكتب

    والناس الي فوق ماشاء الله كلهم كاتبين اوه صح تقليد ومادري ايش ياحبيبي ركز في الخبر قبل لاتكتب
    مشكلتنا انا نصدق كل ماينكتب لنا

    بالتوفيق يااخبار التطبيقات بس ياليت مره ثانيه يكون هناك دق بنقل الخبر لأنو نحنا ناس واثقين فيكم ونتمنى منكم الشيء الجميل الي عودتنا عليه

  46. الحين سامسونج من اقوى الشركات من يوم عرفت نفسي وسامسونج موجوده يعني شركه قوووويه وقدييمه وخبرتها عالييه ومع الوقت بتغطي ع ابل

  47. اخبار التطبيقات الكل ملاحظ أنكم تحاربون السامسونج بكل الاشكال
    تبقى سامسونج قوية رغم الاشاعات وبالتوفيق لابل

  48. ليش التعصب الاعمي لابل؟ لو فكرتوا شوي في مصالحكم بتلاقي الخيار الامثل الجالاكسي .. لكن مشكلتنا التبعيه اللافكرية!

  49. المفروض ماننحاز لأي الشركتين
    ابل << فيها مميزات وعيوب

    وسامسونج << ايضا لها ميزاتها وعيوبها

    وكل الحكايه ان الموضوووع راحه نفسسسيه فقط
    انا عن نفسسي معجبه بانجازات سامسونج وف تطويرها لجالكسي 2s .. بس للان نفسيا مو قادره اترك الايفون لانو تبرمجت عليه

    ارتقوا بعقولكم وكل شخص يبحث عن الافضل له

    تحيااتي ..~

  50. والله يا سام مسونج

    يا انتي ماتشتهين

    ياشيخ سويلك شي خاص فيك بحياتي ماشفت شركه
    بالحقاره هاذي تصرق ولا تبي ماتبيع ابل الاي فون بكل مكان ويييييين عن البجاحه

  51. فعلاً ..
    في ستين داهيه آبل
    في ستين داهيه سامسونق
    مساكين اللي يتعصبون للشركات أرحمهم
    الخبر تنقصه العبارة التالية :
    ( تعيش ابل تعيش تعيش
    تسقط سامسونج )

  52. كما ان اختلاف العلماء رحمه فايضا اختلاف الشركات منفعه للناس … وصراحه بعد الكشف بالامس عن جهاز سامسونج غوغل فأن هذه السركه الكوريه قادمه بقوه

  53. قال رسول الله صلي الله عليه وسلم ثلاثة لا يكلمهم الله ولا ينظر اليهم ولا يزكيهم ولهم عذاب اليم الفقير المتكبر وعاق الوالدين والمنان بما اعطي حديث صحيح

  54. ” في ستين داهيه” سامسونج اكثر من ١٠ سنوات وماعرفت تنزل جهاز تمام الا من بعد الايفون ٤
    وابل في سنتين بس غيرت تاريخ الجوالات
    حتى نوكيا صارت تقلد بالايفون بجهازها الغبي N9

  55. السلام عليكم :
    حبيبيني انا اعد نفسي يمكن من أوائل الناس اللي استخدموا الآيفون بالسعوديه لي أكثر من ١٠ او ١١ سنه و انا معي ذا الجهاز و من اكثر المعجبين لشركة آبل..
    على ما اعرف و على ما شفت و ارجو ان احد يصحح لي اذا انا مخطي ان سامسونج تعتبر افضل شركه في العالم في الشاشات و بينها و بين آبل عقود لتصنيع شاشات الآيفون من بدايته..
    انا ما اقول الكلام هذا حباً في سامسونج بالعكس انا من الموالين و الموالين بقوة لشركة آبل بس من باب ( اعطي كل ذي حقٍ حقه) و تحياتي لكم

  56. من نظري ان ابل مثل المعلم وسامسنج كالطالب لا كن سامسنج تغلبت على ابل بشيء واحد ان جميع تطبيقاتها مجانيه

  57. ياالله يا التقليد الفاشل الخايس يعني ما يستحون وهم يقلدون شركة ابل
    والله ما اقول إلا الله يرحمك يا ستيف جوبز

  58. فل تذهب سامسونج الي الجحيم تبا لكم
    تقليد في كل شي الايفون الشاحن الكيبل أيباد و كمان ترفع قضية كيدية
    المشكلة من ابل عشان تصنع العتاد الداخلي عندها

  59. لحووووووول ليه شفيها صناعة الغسالات ماعادت مربحه والا شنهو ؟؟؟ عاد كل ثقه احط راسي براس ابل مرا وحده ؟؟؟

  60. سامسونك للمره المليون اقول سامسونج شركه مقلده و المطبلين السامسونج خلي يشوفون التقليد الاعمى

  61. ههههههه ترا الكوريين مو عيونهم تجي متصكره نفس تشاينا؟؟

    اذااا كلهم فالهوا سوا شي اسمه تقليد ركضو وررراه

    خخخخخ اقول سمعت انه بينزل تلفون اسمه كندر مال سامسونج صحيح؟؟

  62. الححمد لله والله الشكر على هـ الـ ع ـقول تقـليد تقـليد وراكم وراكم وش فيكم ي سامسونج نششبة وثآني شي وش دخل السنيكرز بالسسالفه

  63. حسب اعتقادي البسيط جداً جداً ان سرعة خطوات انتشار جالاكسي بالسوق بدأت تتعثر به الان وبالاخص بعد 4S بدليل انها لجأت الى التقليد الظاهر حتى في الاعلان

    أعتقد يجب اولا ان تكسب ثقة المستهلك الكوري اولا ثم النظر الى باقي اقطاب العالم

  64. معلييش اذا كانت بتصير للافضل يسمى تقليد !!! لا تحكمون قبل ماتجربون .صح انا استعمل منتج من منتجات ابل بس ما استغني عن شركة سامسونج لانها حلوة ومنتجاتها مرنة

  65. سبحان الله ٣٣
    الحمدلله ٣٣
    الله اكبر ٣٣
    لااله الا الله وحده لاشريك له له الملك وله الحمد وهو على كل شئ قدير

  66. زي ابل مافي
    سامسونج شركة ثلاجات و غسالات
    مالها في الجوالات يعني لو ايش ما سوو و اخترعو ما يوصلو لي ابل

    1. على فكرة سامسونج لها اكثر من ١٠ سنوات وهي في مجال الجوالات
      اما ابل فهذي هي السنة الخامسة لها بدأ بـ 2g وانتهت بـ4s

  67. سلام،

    تقليد سامسونج من ابل شي طبيعي الكورين واليابانين والصينين حبهم التقليد في كل شئ سيارات هواتفهم …..

    تحياتي

  68. ومن اللي جاب نظام سيري ابل ولا سامسونج ؟
    للاسف اكتشفت ان ابل ايضا تقلد سامسونج
    لا يخلينا الحب لابل نظلم غيرنا ومانشوف الحقيقة لان الحقيقة تعني المنافسة الشريفة
    قبل يومين كنت مع احد اقاربي ومعاه سامسونج ٢ وانا ايفون فور ios5
    اكتشفت ان الاشعارات في سامسونج قبل الايفون
    اكتشفت ان سيري في سامسونج قبل ابل
    اكتشفت ان سامسونج اكثر تطور من أبل في نظام التطبيقات والمهام ويكفي ان سامسونج تمكن مستخدمها بانشاء نفضلة خاصة ببرامجة وصورة وكل شي
    مثلا
    في الواتس اب في سامسونج اقدر اسحب اي شخص واضعة في الشاشة الرئيسية واتكلم معاه بدون بدون ما ادخل الواتس اب
    هل ابل راح تطور نظامها اكثر ؟
    سامسونج قدامه يا اغلا الشركات

    1. كم احبك يا اخي .. نحن في هذا الزمن نحتاج الى هذا الفكر وهذي الشكليات المنصفين
      ودي لك. وعلى فكرة من يصنع شاشات ابل هي ساامسونج. هذي الهديه الثالثة لكم

    2. الان يا جماعة الخير نظام الاندرويد الجديد فيه قفل يميز ملامح الوجه هذا اللي ما طرا لابل انها تسويه

    3. دقيقه ياشباب اللي بقوله شي واحد بس مع ان معي آي فون 4s يعني كلامي ما اقوله حقد على ابل بس القراحه صراحه ابل اول جوال صنعته عام ٢٠٠٥-٢٠٠٧ لأني ملخبط شوي في التاريخ وسامسونج من ايام نوكيا دلع بنات <اسم جوال
      وانا اخبرها لها جولات حتى كانت عليها ألوان احمر وازرق ……الخ يعني بصراحه الكبير كبير لان ابل كانت حاسبات وانظمة تشغيل وآيبود وحلاويات <<ههههه اما هاذي والله صدق
      نقول ابل شركه كبيره وفخامه لآخر حد لكن الكبير كبيييييير بدون زعل

    4. كم احبك يا اخي .. نحن في هذا الزمن نحتاج الى هذا الفكر وهذي الشكليات المنصفين
      ودي لك. وعلى فكرة من يصنع شاشات ابل هي ساامسونج. هذي الهديه الثالثة لكم

    5. اصلن اول ماتدخل موقع ساسمونج تلقى بالواجه غساله ههههههه

      بعدين جالكسي تاب وبعدين جالكسي اس ٢ بالاعلانات هههههههه

      للمعلوميه الخدمه اللي في الجالكسي مو اسمها سيري

      ثانيا لتصحيح سيري برنامج قديم اقدم من اللي في سامسونج وقبل ابل تشتريها

      بعدها ابل دفعت لشركه وشرت خدمت سيري

      ثالثاً نظام سيري يفهمك بدون اوامر موجه زي اللي في السامسونج لازم تامره

      يعني بخدمة سيري كانك تكلم شخص امامك دون الاومر له

      اقوا اشتهيت جلاكسي ولا ابي سنكرز نفس اللي مع الرجال اللي بالصوره << شركة كيكاويات هع

  69. مع احترامي للخبر واضح من الصوره انها ملفقة من اليد والسنيكرز اللي ياكله قاله بنصدقه
    الحقيقة ان ابل صارت تسرق من سامسونك وابل تطبل بالحقوق الفكرية ولكن تبقى امريكا وشركاتها تفرض ارادتها على الكل وسلام على ابل من بعد جوبز

  70. على فكرة برنامج الخرائط في نظام أبل من أفضل البرامج إطلاقاً لمستخدم أيفون و هذه ميزة محسوبة لشركة أبل بأنها شركة كبيرة.

    تحياتي للجميع

  71. معقوله بتكون سامسونج بهلغباء ؟؟

    طبعا لا ،، يعني سامسونج خسرانه تصور جهازها و هو في الخراط طبعا لا

    الصوره مفبركه مفبركه مفبركه مفبركه مفبركه

    الى متى و نحن نصدق هذي التفاهات

    و بعدين للعلم شكل جلكسي ٢ لا يشبه الايفون لما تشوفه و تمسكه مو الى هذي الدرجه شكله اكبر و من الخلف مختلف تماما

  72. هههههه
    اذا قلدك الاخرين فـ اعلم انك الافضل :)
    سامسنج كوري فاشل ههههههه تخيل ادفع فلوس في جلكسي ههههههه

    1. هههههههههههههه.
      ابل هي من تقلد في الاشعارات …
      سامسونج من سنتين ونص تقريبا اما ابل فمتى.. من اسبوعين !!!! في النظام الجديد

    2. نظام الاشعارات ما اخترعته سامسونج موجود بالسيديا قبل لا يطلع الاندرويد واسمه sbsetting منو اللي قاعد يقلد الحين

  73. والله ابل زينه و سامسونق زينه ، لو يتركون المحاكم ويركزون في التظوير احسن لهم من هذا قلدني وهذا قلدني

    1. الله يشفيكم من مرض ios ومرض سامسونج هي شركة ابل او سامسونج تملكون اسهم فيها ولا اش الحكايه .. احس انه بيجينا يوم في جيش عسكري لشركة ابل وسامسونج تخلف العرب وعنصريتهم حتى في مقتنياتهم لا حول ولا قوة الا بالله مدري متى تكبر العقول احس اني بديت اكره اجهزة ابل او سامسونج مع انهم الاثنين عندي اخاف يصيبني مرض ios او اندرويد .. الحمدلله والشكر على نعمة العقل وعلى فكره الخبر ماله اي فائده وماله اي داعي من وجهة نظري .. تحياتي

  74. تقليدهم لآبل يدل انهم معجبين فيها ! خلّوهم وش يعني !
    ومالهم أي أحقّيّه بحظر بيع الآيفون بأي مكان ,
    وترا مصخت , طنشو سامسونج هذي وبتعقل من نفسها ,

    1. خخخ انطنش .. بس هي فرضت نفها وبقوة فا جهازها الجالكسي اس تو او افضل جهاز وهذا ما تدل على المقارنات العالمية بشكل عام .. فيه اشياء تتميز بها ابل وايضا هناك اشياء تتميز فيها سامونج

    1. وووووي شهتوني ابي بسكويت يممممممممممممي ههههههههه يعطيكم العافيه إخبارنا الاذذين ههه

    1. احلا يا سامسونق خليك في مع ابل
      في هوشه طول ما هو يكون في صالحنا
      اهم شي لا اوصيكم في الاسعار
      خفظوا اكثر

      مثل موبايلي والاتصالات
      هم في هواش واحنا الي تدلعنا
      مع ان في ناس ودول تدعوا احسن منا
      بس بداية الغيث قطره في كل شي

    2. حبيبي بس حبيت اوضحلك ترا انت ملعوب عليك هذي حركه متفقين عليها الاتصالات وموبايلي مسوين ان عندهم مشاكل مع بعض وهم جالسين يعلبون علي وعليك

    3. خلينا نكون صريحين خل المنافسة تشب وحيلهم بينهم أنا شخصيا صرت احب نظام جالكسي ونظامه جميل وعملي جداً ويكفي شاشته الي ماقدرت ابل توصلها والبطاريه الافضل

    4. اخي العزيز
      ارجو منك انتجرب الايباد وشوف الفرق
      لايوجد مقارنة الفرق وضح جدا
      انا جربت جلكسي

    5. اخي العزيز
      ارجو منك انتجرب الايباد وشوف الفرق
      لايوجد مقارنة الفرق واضح جدا
      انا جربت جالكسي هو اسمك وشاشة صغيرة والكيبورد غير كامل. 

    6. انا اقوول لو شركة سامسونج تسوي اندماج مع شركة ابل وتصير اكبر واقوى شركة في التاريخ ! ويغيرون اسمها لـ A&S يعني ابل و سامسونج ويطلعون افضل جوال بالعالم ويدعسون على كل شركة تصير بطريقهم .. عاد تصير المنافسه اقوى وتلقون htc تندمج مع بلاك بيري و سوني اريكسون ونوكيا تندمج والله لتصير الدنيا فللله بهالشركات اذا اندمجت

    7. بعدين مين المخرف اللي يقول ان هذي الصوره من سامسونج مقلده ابل ..!
      هذي الخرايط موجوده في ٧٠ بالميه من جوالات العالم ولا فيها اي اختلاف بين الجوالات ماعدا الجرافيك ووضوح الخرايط !!

    8. لا يااخووي غال الله ولا فالك هضولا اذا اتحدوا اكلونا اكل الاحيلهم بينهم نار وتاكل حطب اشعلينااا وحنا المستفيدين

    9. وربي انك عبقري لازم تشتغل وياهم الفكره منطقيه تعال شوف اتخيل سونوكيا الجديد N99abc ههههه فله والله

    10. طيب ما القصة في الموضوع خرائط ابل هي اصلا مدعومة من شركة جوجل .. تحديدا قوقل مابس. ف جوجل لم تنسخ شيء وتم توضيح ذلك بواجهة اندرويد .. عفوا لماذا هذا الافتراء مع انني متعصب لابل بل قول الحق واجب

    11. سامسونق وأخي بزران بس يقلدون لا وبعد على جهازهم جلكسي اس١ ٢ مسويلي نفسهم كن شوكولاتة وخصاصا جلكسي اس ٢ نفس شكل الشوكولاتة وشوي ويسيح لو تركت بالشمس ههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى