اخبار الايفون

الايفون 4 أس يصل البلاد العربية وأولا للكويت

لا يدور الحديث هنا عن متجر لشركة ابل او توزيع من جانب شركة أبل،وإنما المقصود هو الشركة الكويتية “الوطنية للاتصالات” التي أعلنت عن طرح جهاز الايفون 4 أس في جميع أفرعها المنتشرة في دولة الكويت.

الايفون 4 أس يصل البلاد العربية وأولا للكويت
الايفون 4 أس يصل البلاد العربية وأولا للكويت

وأعلنت “الوطنية للاتصالات” انها توفر جهاز الايفون 4 أس بسعر يبدأ من 150 ديناراً نقدا، أو مقابل 7 دنانير شهرياً، وذلك حسب الباقة التي يتم اختيارها من اختيارات الدفع الآجل التي توفرها الوطنية.

وتعليقا على إطلاق الجهاز الجديد، قال مدير إدارة العلاقات العامة في “الوطنية للاتصالات” عبد العزيز البالول: “إن الوطنية للاتصالات تسعى دائماً إلى تقديم الأفضل لعملائها عبر الخدمات والمنتجات التي تميزهم وتحقق تطلعاتهم.

ومع إطلاقنا لأحدث جهاز من ابل الايفون 4 أس في جميع أفرع الوطنية المنتشرة في الكويت، فإننا بذلك نحرص على ألا يفوت عملاءنا أي جديد في عالم الاتصالات”.

وأضاف البالول قائلا: “نحن في الوطنية للاتصالات نحرص دائما على تقديم أوسع الخيارات أمام عملائها من برامج وأجهزة”.

هل تريد المزيد من التطبيقات والأخبار ؟

إنضموا لصفحة أخبار التطبيقات في الفيسبوك لتحصلوا على أفضل التطبيقات المجانية لوقت محدود والمزيد ..

إنضموا لصفحة أخبار التطبيقات في تويتر لتحصلوا على أفضل التطبيقات المجانية لوقت محدود والمزيد ..

الوسوم

مقالات ذات صلة

‫262 تعليقات

  1. أنا معاي اي فوت 4s
    وخوي عنده اي فون 4 بطاريت الفور اس افضل بكثيرررروالفور خايسه أنصحكم اشترون فور اس افضل جهاز من ابل

  2. مساء الخير يا جماعة
    السعر الاصلي للجهاز الايفون 4s
    16 GB
    199 دولار
    32 GB
    299 دولار
    64 GB
    399 دولار
    فقط عندنا في الدول العربية سعره مرتفع والسبب الطمع والجشع

  3. “كلٌ في فلكه يسبح”
    اعتقد إنه ومن الآخر : جهاز ذكي كاالايفون سواءً ٤ أو ٤أس يبقى جهاز تسلية وتضييع وقت ، إلا من رحم ربي وتمكن من الاستفادة من جميع مميزاته واستخدمها صح ،
    بلاش نضحك على بعض وخلوكم من دفع الفلوس في غير محلها وبلاش النعرة الدولية في كثير من المشاركات ، كلنا عرب وكلنا عيال آدم وحوا يا ((( بشر )))

  4. ايفون٤
    واذا نزل ٥ نشوف حزتها يسوى نغير او لا
    مع اني احس ان ٤ راح يبقى بالقمه!!!
    وجهة نظر

  5. يعني ما دام عندي ايفون 4 ابيض ليش اروح اشتري جهاز ثاني… مجرد اني اسويله ابديت ع النظام 5 وخلاص يصير ايفون 4s

  6. نزل مو بس الكويت نزل في السعودية قبل اسبوع من الاعلان هذا ياليت تتاكدوا اخبار التطبيقات قبل تنشروا
    موجود في اكسترا بسعر 3999

  7. الا انا بسأل الشركة يوم نزلته ماقالوا بـ200 دولار ؟
    شلون يعني
    وانا اللي مواعد معزبتي اشتريه لها ههههههه
    شكلي بستخير < .!؟

  8. انا اتوقع اذا نزل بالسعوديه راح يكون سعره كالآتي:
    16جيجا >>>>3500
    32 جيجا>>>>4600
    64 جيجا>>>>6000
    وهذا توقعي الشخصي

  9. الجهاز نازل بالاردن من ٣ اسابيع يعني قبل الكويت وثمنه ٩٩٩ دينار اردني بدون اشتراكات

  10. انا شريت ايفون فور اس من محلات اي ستور
    وسعره 3749 ریال وهو 16 قيقا

    صح غالي حبيتن بس ماقدرت اصبر لين ينزل السعوديه

  11. وكمان عشان ماحد يشكك بكلامي
    عندكم البروشور حق الدانوب الاخير اللي لونو اسود افتحو صفحة ١٧ حتلاقو من اسفل على اليسار الخبر والصورة. 

  12. ياجماعة، يللي عايشين بجدة، الجهاز نزل عندنا في جدة، لقيتو في الدانوب اللي في الصيرفي وسالت البياع قلتلو من متى وهوا نازل هنا؟! لانو شي غريب وهل نزل بالابل ستور ولا كيف؟! قلي هوا لو عندنا اسبوع وبس نزل بالدانوب. من جد شي غريب يعني معقولة اول ما ينزل ينزل بسوبرماركت؟؟؟ + شفت كرتونتو وفعلا مكتوب عليها iPhone 4S. وبالنسبة للسعر قلي سعرو (٤٤٤٠) او (٤٤٤٤) واحد منهم ماني متأكدة. حبيت بس أقلكم الخبر.

  13. هذا العقد صحيح ولكن بدون خدمة انترنت وانتو عارفين انه الايفون يشبك عليك بروحه فيحسب عليك الكيلو بايت بفلس = استخدام متوسط لمده ساعة = ١٠ دنانير كويتي مايعادل ١٥٠ ريال

    طيب شلون اوقف الانترنت عشان مايحسب علي

    الجواب ماتقدر لانه اوتوماتيك شغال

    فالسبعة دنانير مالتهم راح تصير ٧٠٠ اخر الشهر

    والله على ما اقول شهيد اخوك مجرب

  14. اقول بلا فورجي اس
    بلا تصوير واضح ومدري ايش
    الي يبي تصوير يشتري كاميرا واقل كاميرا في السوق ١٢ ميقابيكسل
    وايفون ٤ جي اس ٨ ميقابيكسل
    يعني انتظروا ايفون٥ ولا يكثر

  15. مشكله اذا كل واحد يقول كلام وما صرنا نعرف مصداقية كلامه ، عموما اللي يبي يشتريه عليه بالعافيه
    واللي ما يبي يشتريه لا يطلعه من خاطر ناس ثانية
    لان في ناس عندهم حب التجديد حتي لو نفس المواصفات
    لهذا اتركو الفلسفه وخلو الناس تسترزق واللي يبي يشتريه او اشتراه عليه بالعافيه
    وعيدكم مباااااااااارك وتقبل الله طااااااااااعتكم

  16. حنا يالخليجيين تتفاخر بالاجهزه بس

    الله يرحم الحال ويرحم راعي ٢٠٠٧

    كنه مو مصدق انه شايل الايفووون

  17. بالنسبه للي يقول إن خدمة السيري نزلت للأجهزه المحدثة على ios5
    معليش ما أظن لأن النظام ios5 ما نزل له جلبريك إلى الآن عشان كذا محد يقدر ينزل شيئ من السيديا

  18. متأخرين وصل السعودية من سنة جدي وعندي ٢ لان الكميه محدوده واحد لخوي الكبير والثاني لخطيبتي هديه

  19. الرجا من الجميع استخدام الجهاز لنشر الخلاق الفاضله والمفاهيم الحسنه ونصح الاخرين ونشر العلم وإرشاد الناس لخير الدنيا والدين

  20. يا جماعة يكفي نظام
    siri

    الى الان مافي مبرمج استطاع وضع النظام على ايفون ٤ حتى بالنظام ios٥

  21. انعرض عليا ثلاث اجهزه اللون ابيض من قبل اسبوعين
    4s – 64 ب ٧٠٠٠ ريال سعودي للجهاز الواحد
    يعني تقريبا ب ٥٨٠ دينار كويتي

  22. يا شين اللي يتفلسفون ويقولون ما في فرق بين الايفون ٤ و ٤s !!
    وقفت عالشكل بس !! في مليون شغله وشغله يديده والكاميرا ٨ ميجابكسل

    بس اللي عنده ايفون ٤ يسوي ابديت ios5 لجهازه
    ويصير جنه ايفون ٤s
    بس الكاميرا اكيد بتضل مثل ما اهيا

  23. نصيحه لحد يتخسر ويشتريه الفرق بزوم الكميرا بس والي عنده فور يحدثه s5 نفسه بالظبط لعب والله لعب

  24. ياليت المرات الجايه تجيبون كلام صحيح اخبار التطبيقات برنامج رائع ولكن استغرابي من بعض المقالات التي ليس لها اي اساس من الصحه
    في السعوديه في الرياض نازل بجرير فلا تقولون ما نزل تراه نازل من زمان

  25. والله ياشباب مافي فرق بين الايفون ٤ والايفون ٤اس غير نظام Siri باللغه الانجليزيه بس والكاميرا ولا كلهم نفس الشي

  26. الكثير يقول انو ايفون فور اس بيعاني من البطاريه ياعالم السبب هوا التحديث الجديد للنظام ios5 الكل يشتكي من من البطاريه من بعدالتحديث بالعكس الفور اس بطاريته تفوق ايفون الفور40% وهذا عن تجربه والفرق بين الفور والفور اس من الداخل سوا كان بسطوع الشاشه او السرعه او الكاميرا فرق كبير واضح و الصراحه الغبي الي يشتري من التجار في البلاد العربيه بذ الوقت نصيحه اصبرو الاسعار مو مستاهله بامريكا الفور اس 64 جيجا سعرو ٣١٨٠ ريال سعودي وربي نصب واضح اصبرو الين يجي من حاسبات العرب ويدخل بشكل رسمي للسعوديه

  27. انا شاريه من زمان الـ 4s من عام ٢٠٠٥ هههههههههه الله يرجكم والله ضحكتونا واحد يقول شاريه من رمضان وواحد يقول معروض من شهر في جدة

  28. الفور جي إس فيه تشيتا تجنن مثلاً خط في نهايت الشاشة بجميع اسعار الأسهم متحرك وفيه اشياء في الكميرا مثل تحديد الوجه فيها ميزه معينه لأنه خويي منزل واحد من بريطاني. والله الجوال سفااح في ميزه إذا عندك مكالمة يطلع لك شريط إذا كنت فاتح اي برنامج مثلاً الvيبر يجيك شريط بلون ورسم البرنامج على سحاب مثل لما تقفل الجهاز. والله مجنون الفور اس

    1. هههه ياخوي هذا التحديث الجديد حدث ال٤ الى ٥ ويصير نفس الي تقول لاتنصب على الناس الفرق الي بينهم بس الكميرا زوووم بسسسسس ههههه

  29. شباب انشالله تحت التجربة برنامج سيري والجلبريك حق iso5 واذا ضبط سوف اعطيكم خبر يعني ايفون ٤ بتكون مواصفاته نفس ايفون ٤s والله يسهلها
    واهدو شوي الله يجزاكم خير

  30. انتظروا الين يحلون مشكلة البطارية

    مع اني اتوقع ان المشكلة مصنعية اي في نفس الجهاز .

    ومع ان الفرق بسيط فأنا انصح اللي مع 4g لا يغيره ويشتري 4gs

    انتظروا 5

  31. صعب انك تشتريه وهو بنفس الشكل..
    بالأضافه الى ان الخدمه الجديده وهي ( السيري ) لا تتدعم العربيه يعني مافي فرق عن الايفون ٤

  32. انا شريتو من اسبوع فجده ٣٢ ج السعر ٤٢٠٠
    بعد شهر راح ينزل بشكل كامل في جميع المعارض
    صدقوني الجهاز سريع جدآ افضل من ٤ البطاريه اقوى
    تصفح اسرع جهاز روعه

  33. من اسبوع نزل في العراق وسعره وابو ٦٤ يتراوح بين ١٩٠٠ الى ١٦٠٠ وسعر ابو ٣٢ ١٢٠٠ الى ١٣٠٠

  34. يقولون فيه ٢٠٠ خاصية جديدة والكاميرا 8 ميغا بيكسل. >>> اعزائي شركة ابل شنووو ناووين عليه بعد

  35. والله عرفولنا كل شوي يعلنون عن شي ويخلون للواحد وقت عشان يدبر حاله مع القديم ٠٠٠٠ الى الخلف يا عرب

  36. بالكويت من زمان نازل الجهاز من بعد اسبوع من لاعلان عنه ابل وسعره حاليا ٢٢٩ دينار ١٦ جيجا

  37. بالنسبه للأخ اللي اسمه ريان يقول الفايف موب نازل معليش انت كنت سكرتير لستيف جوبز مثلا ياعمي لاتتفلسف على خلق الله وتسوي نفسك فاهم وتكذب علينا اما الاخ الثاني اللي اسمه انج المطيري على ايش شايف الناس رح بس بيع لك حاشي صغير واشتر ٤ اس

  38. سلام عندي اقتراح ليه ما تسوو في برنامج اخبار التطبيقات نافذه للدردشه كل واحد عنده راي وكلام يقوله في الردود صح لو تسوو دردشه نناقش الحوار يكون شي رهيب وشكرا لكم

  39. أنا مع اللي ماينصحون بشراء ايفون 4s
    انتظر ايفون 5 ومبروك عليكم اهل الكويت
    شكرًا اخبار التطبيقات

  40. نصيحة :
    لا تشتري الايفون 4s مبالغ بالسعر ولا يوجد به اي ميزه تحتلف عن الايفون 4 سوا النظام نزل ios5 واستمتع بالمميزات .

  41. يشباب كلهم إخوان مافية فارق أنا الجهز ايفون فور إس اخذته من قبل شهرين من امريكة بس ليش اخورها الي الان مادري نصيحة لاحد يشتيريه الي يبي جهاز مله ال الجلكسي 2s

    1. اندرويد ماانصح لاشكل ولا يوصل للايفون عندنا جالاكسيات واحد واثنين واللي عنده يبي ايفون يعني عرف ان الله حق

  42. الايفون٤ اس وصل الرياض من حوالي اسبوع موجود وعلى فكرة نفس ايفون ٤ فرق العلبة مكتوب عليها بس حرف s وسعره يبدأ من ٣٨٠٠ ريال وشكرا

  43. واصل عندنا بتبوك قبل أسبوعين وحصلته ب ٤٥٠٠ ومحل ثاني ب ٤٠٠٠ ليش كل هذا وهو نفس الايفون ٤ بس الفرق بين الكميرا والمعالج

  44. موجود في السعوديه
    انا. شريت واحد كان في امكانيه انه افصل ال 3g لكن راحت احد عنده خلفيه كيف ارجع الايقونه

  45. شكرآ أخبار التطبيقات
    بس شغله احب اعرفكم بيها
    انو 4s موجود بلعراق وقبل
    اسبوع تقريبآ

  46. الله العافية يا خي تراه ينباع عندنا في المدينة من زمان ولو تبغون اسم المحل اسمه ( اوزون ) و المحل هذا مقابل مكتبة جرير تقريبا و المحل هذا له اكثر من فرع في السعودية ….. يعني ما جبتوا شي جديد قاعد انفض الغبار يوم اقرأ الخبر ههههههههههه…!!

  47. ايفون٤اس بالسعودية نزل
    موجود الان في مكتبة جرير والأسعار كالتالي:
    ١٦جيجا=٣٧٩٩ريال
    ٣٢جيجا=٤٧٩٩ريال
    ٦٤جيجا=٥٩٩٩ريال

  48. كاذبين علينا اونه ايفون 4s والله انه عله سعره مبالغ فيه وخرباته كثير عن تجربه مانصح احد ياخذه لين يتأدبون أبل ويصلحوون الاعطال الفنييييه او ينزلون سعره ويفتحووون متاجر في الخليج كله علشان يحكروون تجار لي مايخافووون الله

  49. انا ابغا اشتري ٤ إس ٦٤ قيقا كيف الطريقة علماً بأنني في جده وحاولت اشتريه من موقع ابل البريطاني وتوهقت اي شركة توصل ليه المهم اللي يعرف لا يبخل علينا

  50. ياجماعه الفرق بين 4 وبين 4 s هو. الكاميرا. وsiri بس لكن من نحية ال icloud ينفع تنزل النسخة علي ايفون 4 وبطارية 4 احسن بمراحل من بطارية 4 s
    وخاصية siri لازم تكون بتتحدث الانجليزية الامريكية بالضبط لتستجيب.

  51. دوبي شفت خبر في مجلة جرير انو الايبود تتش نزلو منو ابيض نغسي اشتريةالاربعة وستين غيغا نزل بي 1699والاتنين وتلاتين غيغا بي 1299و التمنية غيغا بي869

    1. والله مابه فرق انا شريته عن طريق النت صدقوني ندمت كثييييييييييييير زي ال٤ بالضبط به مميزات بسيطه ما تستاهل العنا كله

  52. لا يوجد آيفون رسمي بالكويت وما يتم بيعة يتم جلبة من الخارج وليس من آبل

    وآبل لم تذكر الكويت نهائيا بالدول التي يتم البيع فيها حالياً !!

    1. وكالة ابل بالكويت
      هيه من توقع العقود لوصول الايفون و بالطبع الوطنيه
      والغانم
      محلات معروفه
      ماتفهمني شلون ايبونه من بره
      اساسا موقعين عقد مع الوكاله لانه عليه كفال من الوكاله

    2. يااااااعيني لا يا حبيبي الي بالكويت الاصلي وكفاله ابل المعتمدة ههههههه لا لتهايطً علينااااااا

  53. استغفر الله استغفر الله
    الصراحه انا من عشاق ايباد وبعدين وش دخلني في الايفون بس حيبت اذكركم بالإستغفار الله يجزاكم خير 

  54. تحياتي حق الكويت الحبيبه وياسلام على تميز النزول يستاهل الشباب الطموح العجيب أن الفور أسطورة ستيف جوبز لن تتكرر الا إذا تغير مسار وشكل المنتج تماماً نفس أبل تعترف بسلبيات الأس الجديده يا إما نخمس أيفون خمسه وللا بناكل فول مدمس تحياتي للكويتين 

  55. للأسف مع موت ستيف ستنهار ابل تدريجيا بسبب حماقة مجلس ادارتها بأفكارهم الغبية والمنحطة التي في عالم ثان في التكنلوجيا

  56. مبروك لأهلنا في الكويت
    انا الصراحه ما راح اشتريه لما ينزل البحرين لان ما فيه وايد فرق
    بس ينزل الجيلبريك للios5 بشتري الايفون ٤

  57. يا شباب والله كلهم نفس الشي
    الفرق بخدمة السيري والتصوير اوضح بقليل عن ال٤
    الله يخليلي ال٤ وانا محدثه وناطر الجلبريك
    ويصير جهازي ٤s يعني الصبر زين هذي نصيحتي

  58. موجود في السعودية في معارض
    iSTORE

    ١٦ جيجا ب 3799 ريال

    في نظري مايستاهل هذا السعر
    الجيلبريك قادم
    وسيري بتكون موجودة في الايفون فوووور

  59. نصيحه لاحد يشتري 4S و يتورط مثلي ..
    انا خذته ما تحملته اسبوع و بعته بخساره و السبب البطاريه الخايسه حدها ٥ ساعاات هذا بدون ما استخدم الالعاب و مشاكل البطاريه معروفه اكتب مشاكل بطارية 4S بل انجليزي و شوف البلاوي.. امحق جهاز يا زين 4 الحمد الله اني ما بعته

  60. ياناس صدقوني الايفون ٤s نازل عندنا بتبوك صار له سبعة اشهر ويومين بالضبط … معقولة توهـ يجيكم .. ماتعرفون عايض؟؟

    1. قول عندنا صاله ٧سنوات يله وينه للحين عندنا مانزل قال ٧شهور قال
      انا ساكن هنا ماجاني خبر

  61. أتوقع ان افضل حل لمشكلة البطارية في الآيفون4sهو ( تكون بطارية ديييييزل….!؟ ) هذا أحسن حللللللل.

  62. المرعب أحسك تشتغل بشركة سامسونج وتروج للجلكسي ^_^ مانبي غير الايفون وننتظر ٥ اللي بيحطم السوق فور اس بلوه واشربو ميته صار له نسخه مقلده من الفور جي

  63. الخبر مو بصحيح لان من يوم الخميس الي طاف نزل عندنا الأيفون ٤س في البحرين وسعر الايفون ١٦ گيگة في البحرين (٤٨٥) دينار أي مايوازي (٤٨٥٠ ) ريال سعودي يعني سعره مو مستاهل بصراحة

  64. روح يا شيخ قال قالكسي٣ واللهبو كالاكسي ١٠ عمره ما راح يلحق الايفون ولا خامة الايفون…. وعلشان آسهلهه عليك شفت سياراتالهونداي الجديدة اللي ماكو شي ما حطوه فيهه…. خخخخخخ زين هذي نشبهه باكلاكجي هاهاهاي آقصد الجالاكسي ٣ مالك والآيفون إهو البي إم دبليو … إنشالله فهمت علي…. إي والله جلاكسي٣

  65. الله ياسنة ٢٠٠٧ ماكو جنس مخلوء يعرف شنو ايفون الحين كل من هب ودب صار حتى يتكلم عن المنتجات اللي بتنزل السنه الجايه والمصيبه يعطيك عيوب المنتج قبل لا ينزل ومحسسك عن تجربه ، نفس المواتر الالمانيه محد ركبها ويقول كلها عيوب هههههاي

  66. ماعليش حبيت اضيف شي على السابق وطبعا كلكم عارفين مشكلة البطاريه ل ٤ اس
    يعني خلوكم على ٤ افضل

    1. أنا الان في استراليا سدني وقد ممرت على معرض ابل ووجدت فور اس ١٦ب٧٩٩ دولار استرالي اي ما يعادل ٣٠٥٣ ريال مفتوح لكل الشبكات و٣٢ب٨٩٩ دولار استرالي و٦٤ ب ٩٩٩ د. ولار استرالي والدولار يعادل تقريبا ٣.٨٢ سعودي. مارأيكم 

  67. للمعلوميه في الفور اس لا توجد ايقونه لأيقاف الثري جي وهذا السبب الوحيد لأنتهاء بطارية الفور اس سريعاً

    والثري جي شغال على طول بسبب Siri

  68. نزل بالمدينه المنوره

    وامس سعرت الجهاز بالمحل قال 4000 ريال

    الله يرضى عليك يإيفوني الفوري ياحبيبي

  69. واحد من الشباب شاريه من امريكا نفس المواصفات ل ٤
    مضاف له خدمة siri والكاميرا تصويرها اوضح من ٤
    غير كذا مافيه.
    شكرًا اخبار التطبيقات…

  70. سلام ياأخوان أنا شريته من أمريكا وسعره ٦٧٨دولار وهذهو راميه في البيت مقفل ماقدرت اشغل الشريحه عليه انتظر الجل بريك او اي حل يا أخوان الي يعرف الحل يرسلني مشكورين

  71. من جد حرام مافي فرق بين حتى أغير ٤
    بي ٤s من جد حرام بس كل واحد ومزاجه
    الله يبارك للجميع

  72. عساااكم عالقووة يا اهل الكووويت تشترروونه اما حنا يا اهل السعووديه ماا لنارغبه في شرائه
    ايفوون ٤ يكفينا ،،بإنتظارك ايفوون٥  

    1. والله كل اعرفهم محد شرا. ااايفون اس مثلكم نتظر الخامس علي الله مايطلع فور اس ام اد رز

  73. مثل ما قال الاخ ابو ياسين .. الايفون 4s وصل عندنا بالكويت من زمان وو قبل شركه الوطنية بس لحد الحين الاسعار مبالغ فيها شوي
    متوفر في :
    اكسايت الغانم
    الكتروزان
    بست
    ومحلات وايد بعد

    1. يا شباب الي بدهم يصدقو انو الايفون فور اس موجود بالكويت من زمان
      نزلو تطبيق اسمه يابيله yabbila!
      وشرفة اسعار الايفون ٤ اس بأكثر من شركة وبأسعار مختلفه في الكويت وبرعاية زين

  74. متوفر الايفون s4
    باكثر من محل بالكويت وارخص سعر229 دينار بدون اي عقد 16g
    ويوميا اعلانات بالجرايد عن توفره بالمحلات

  75. الحين الكل يشتكي من البطاريه وسرعة نفاذها وكثرة الشكاوي بموقع الشركه بهالخصوص وش نبي فيه نشتريه

    1. Active Case AC4 ppyple
      غطاء خاص الايفون يقلل استهلاك البطارية و يزيد من اداء الشبكة
      حسب ما قرأته في موقع الشركة

  76. واحد من الربع شارني ال٤s
    ويشتكي من البتري وانا جربت التلفون ما حسيت بالفرق
    الا بالسيري وما ينفع بكل شي ف الرسايل ومش دائماً دقيق ف الطباعة والكاميرا يمكن تشجع اللي يحب التصوير

  77. ابوياسين تستهبل ؟ ياعمي بامريكا اليوم بدات عملية بيع الايفون المفتوح ، وانت تقولي من زمان واصل ! الا اذا فيه جهة تبيع الايفون مفتوح من اول مانزل قبل اسبوعين ؟

    1. انا في امريكا وحتي الان لم ينزل الجهاز المفتوح قهروووني كل يوم اروح لهم واسال ويقولون وي دونت نو

    2. يا نايف يا حبيبي اسأل اي واحد بالكويت وشوف متى راح تعرف ولك اول ما نزل ب ٣٦٠ دينار كويتي وسعر الحين طااااح في اقل من أسبوعين صار ب ٢٠٠ دينار عرض من الغانم نزل لمدة يوم واحد والحين مثل ما تفضلو الشباب فوق ٢٢٩ وسعر غير ثابت بين الموزعين اعرفت ليش مو مرغوب يا حبيبي
      سبحان الله وبحمده

    1. والله يا جماعه مافي فرق نفس الشي صدقوني ياجماعه انا اشتريت فور اس وعندي فور القديم نفس الشي اقسم بالله نفس الشي مافي تغيير. يعني لعب بعقول الناس تبغي التغير شوف نوكيا نظام مي جور رهيب وجلاسي البسكويت المصنوع من مقابض الأبواب. انا أنصحكم. عدم الاستعجال والقديم والجديد نفس الشي أنصحكم لوجه الله

  78. خبركم قديم بالنسبه لنا بالكويت .. صارله اكثر من اسبوع نازل عندنا ايفون٤ اس بالكويت .. قبل يومين عليه عرض عند بيست ١٦ غيغا ٢٢٩ دينار وخلصت الكميه .. واليوم نزل عليه عرض عند هاتف٢٠٠٠ بقيمة ٢٥٩ دينار ..  

    1. ياشباب موقع مزاد كويت
      تحصلون في فور اس جديد ٦٤جيجا
      من زمان في ناس يبيعون
      دش ونشالله تحصلون اسعار طيباا

    1. ستيف جوبز كان المالك مو من المهندسين الي يسون الايفون
      يعني مستمر الايفون
      وننتضر الايفون٥

  79. غير مرغوب لان لايوجد مميزات كفاية لان الواحد مو مستاهل يغير جهازه
    بس عموما أبل وبس
    بانتظارك يا ايفون ٥

  80. من زمان وصل عندنا الايفون ٤ اس وأول شي كان سعر ٣٦٠ دينار كويتي
    بس الحين سعر غير ثابت
    بس اقل سعر عن الغانم ب ٢٠٠ دينار وبنفس الوقت في شركات تبيعه ب ٢٢٠ او ٢٦٠ او …
    غير مرغوب

  81. ممتاز بس نزلوا الجهاز ولا حجز وينزل بعد شهرين
    لأنه مكتبة جرير في السعودية نزلو اعلان حجز لكن بدون تفاصيل

    1. اشدخل الجالكسي ٣ اخبار التطبيقات تهتم فقط بالابل ومنتجاته ايباد ايفون حتى بتويتر تحت معرفهم مكتوب هالشي واضح

  82. مبرووووووك عليكم يااهل الكويت بس بجد ماعجبني ولا اظنني باشتريه ننتظر ٥ حتى لو بعد حين
    عندي سؤال اللي انكسرت الزجاجه الخلفيه حقتو تقريبا بكم سعر تصليحها وتنصحوني اوديها فين انا من المدينه

    1. مرحبا رد على استفسارك اخت زيزي
      سعر الزجاجه الخلفيه بجده ١٠٠ ريال
      وتركيبها ٣٠ ريال فقط

    2. اكتب في قوقل مدري اكتبي عن كسر الزجاج الخلفي للإيفون حتلاقي واحد مكسور الزجاج الأمامي هوا طالبو طلبيه بس من فين نسيت والسعر ميتين ريال

    3. يازيزي .. ايفون ٥ ماراح ينزل .. شركة ابل قالت بنفسها قبل مايموت ستيف جوبز .. واصلا مين بيقعد يصنعلنا اجهزه مثل عقله العبقري .. ! مافي خلااص .. ايباد ٢ آخر شي .. وايفون 4s آخر شي خلاص ودعوا الاجهزه الذكيه .. !!

    4. مع احترامي لا تقول ودعوا الأجهزة الذكية أنا عندي آي فون. وأخوي عنده ًhtc مرررررة رهيب احسن من الايفون

    5. خش ع موقع حاسبات العرب عن طريق النت وهم يعطونك الفرع الخاص بهم في المدينه حاسبات العرب هو الوكيل لشركه ابل في السعوديه ودعواتك لنا

  83. اتوقع السعر اللي معروض في الاعلى يخص الايفون ٤
    او الشعر مرتبط بعقد سنوي

    لان الايفون الجديد سعره اكثر بكثير

    1. سعر الايفون ٤s
      لدى الوطنيه هو ٢٢٩ دينار ولازم تاخذ خط دفع اجل لمدة سنه
      يعني لو تحسبها صح يطلع الاجمالي اكثر من ٤٠٠ دينار

    2. اخوي تراك غلطان ترا ((١٢ريال = دينار كويتي واحد))
      والايفون هذا واصل الكويت من مدة طويلة واول ماوصل الكويت اخوي شراه
      بس اتوقع انه بـ ٢٠٠ دينار وفوق<< اروح اسال اخوي وارد لكم خبر(يعني للي ببون يعرفون سعره بالكويت)

      أرجوكم دعوة بالغيب ماتضركم << تكفون ادعولي

    3. يا اخي يا حبيبي ١٢ ريال تساوي دينار واحد <<وانت اقعد احسبها
      وتحفزه دعوة بالغيب ماتضركم << يعني ادعولي

    1. قلت الصج وماكذبت كلهم واحد !!!!!!!لا تلعبون علينا يالتجااار ١٥٠واشتراك خط جديد فواتير لمده سنه سرقه واضحه الي يبي يشتري. بدون خط احسن بس اغلي انطروا شوي وراح تنزل الاسعار صدقوني

    2. السلام عليكم
      يساوي بالسعودي
      ١٨٠٠ ريال اضرب ١٥٠ * ١٢ = ١٨٠٠ ريال علما بان الدرهم الكويتي يساوي ١٢ ريال سعودي
      طيب ابل فتحت فرع لها بالامارات واسعارهم تمام مثل اسعار اللي بالكويت بس الله يهدي اصحاب المحلات اللي عندنا بالسعوديه رافعين الاسعار فوق السعر الاصلي بحوالي بــ٨٠٠ او ٧٠٠. ريال. وشكرا لكم ياخبار التطبيقات على كل جديدكم

    3. ايفون 4s
      موجود في مكتبة جرير
      16g= 3800sr
      32g= 4800
      64g= 6000

      اسعار مرتفعة لن تجدها الا في السعودية

    4. ترا الأسعار في السعوديه ماهي غاليه ومعليش يعني تقولوا السعودين يزودوا في الأسعار ليش الاخ امريكي مثلا وانا مدري انت سعودي زيك زيهم يا ابو مطططرر

    5. اناس اتقنع نفسهة وتكول ماكو فرق بين الايفون ٤ والايفون ٤ اس! الفرق مو بالشكل الفرق بالداخل!

    6. من لايعلم ما هي خدمة السيري ان هذه الخدمة هي توجيه عن طريق النظام القمر في الوكيشن وهي اول مرة تستخدمها ابل وكانت محتكرة فقط للجيش الامريكي اما الان هي تشمل كل شي من الخدمات للمستخدم لتسهيل الامر في عملية الاستخدام العامة

    7. ايه يقولونه ،، شكرًا آخبارووو
      & في السيديا يقولون نزلت خدمة سيري للاجهزة المحدثة للـ ios5 صدق؟؟

    8. في برنامج مجاني في الاب ستور
      Vlingo
      مشابه لبرنامج السيري

      مجرب بالغة الإنجليزيه وشغال مضبوط

    9. اقول اركدو لاتصيرون مخمات كل ماقالو جديد اشتريتو ترا الفرق والله عشان السعر مو عشان الميزات

    10. الله من النصب يشيخ.. اجل من رمضان الماضي وقريبك معه ايفون ٤ اس؟!!

      وين قريبك شاريه منه بس، لا يكون من المريخ بعد؟

    11. في السعودية ٤٤٤٤ بس مدري كم جيجا
      في الدانوب اللي في جده بارك مول امام
      الاندلس مول
      ونصيحة مافي فرق بينه وبين ٤
      وبصراحه الايفونات عيوبها كثيرة
      والان نوكيا راح تنزل جهاز جديد نظام ويندوز٧

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق